මගේ මතකයන්.. 2009

කට්ටිය ඉතින් කොහොමද? අවුරුද්දකුත් ඉවර වේගෙන එනව.. මමත් කල්පනා කලා මට සිද්ධ උන රසබර , දුක්බර හැමදේම ඔයාලත් එක්ක බෙදාගන්න.. කතාව නම් ගොඩක් දික් වෙන්න පුලුවන්.. හැකි තරම් කෙටියෙන් ලියන්න බලන්නම්..

අවුරුද්ද ඉතින් ප‍ටන් ගන්නෙ ජනවාරි මාසයෙන් නේ.. මුල්ම වැදගත් සිද්ධිය තමයි අපේ ඇකඩමික් වැඩ හාහා පුරා කියල පටන් ගත්තු එක. මිකැනිකල් කියල ෆීල්ඩ් එකක් තිබුනට මෙලෝ දෙයක් දැනන් හිටියෙ නෑනෙ.. අනික ඉතින් මාස එකහමාරක්ම කැම්පස් එකේ කඩ්ඩ කෝස් එකක් කරන ගමන් එපා වෙන්නම රැගත් කාල දෙයියනේ කියල ජනවාරි වල ආවෙ දැන් නම් රැග ඉවර ඇති කියල හිතන්.. මොන පිස්සුද.. හවස හම්බුනා රම්පෙට පොරි හැ‍ලෙන්න :D ඒත් ඉතින් කට්ට කාගෙන ගියා.. ඉගෙන ගන්නත් එපැයි..

මේ දවස් වල මම රියදුරු බලපත්‍රය ගන්නත් පට්ට ගේමක් දීගෙන හිටියෙ.. ලර්නර්ස් එකට නම් දෙසැම්බර් මාසෙ ඉඳන් ගියත් කැම්පස් පටන් ගත්තට පස්සෙ ගියෙ සෙනසුරාද , ඉරිද විතරයි.. කොහොම හරි ඒකෙ ලිඛිත පරීක්ෂණයට තුන් පාරක්ම යන්න බැරි වෙලා අන්තිමට යන්තම් හතර වෙනි පාර ගිහින් ලියාගත්ත.. වෙච්ච ඇබැද්දි මම ‍ලංකාවෙ Driving license කියල ලියල ඇති.. හැබැයි ඉතින් ට්‍රයල් එක නම් දෙයියනේ කියල ගොඩ..

දැන් නම් ලියන්නත් කම්මැලි.. ඒත් ඉතින් නවත්තල බෑනෙ.. මගේ ජීවිතේ තවත් වැදගත් සිදුවීමක් තමයි අපි හෝටන් තැන්නට ගියපු ට්‍රිප් එක... මේකෙදි තමයි මට ජීවිතේ ගොඩක් වැදගත් වෙන කෙනෙක් හම්බුනේ.. වැඩිය විස්තර කියන්න නම් බෑ..

ඊට පස්සෙ ඉතින් කියන්න තියෙන්නෙ ගොඩක් වැදගත් දෙයක්..  පලවෙනි පාරට මමත් මූලිකත්වය අරන් සංවිධානය කරපු අවුරුදු උත්සවයක් පැවැත්වුව..  පුංචි පහේ එකක් උනාට එකෙන් ලැබුවෙ ගොඩක් ලොකු සතුටක්.. ඔහොම ගිහින් ගිහින් ජූනි තුන් වෙනිද ආව.. කට්ටිය බලනව ඇති මොකක්ද හප්පේ ඇත්තට මේ දවසෙ තියෙන වැදගත්කම කියල.. :D  එදා තමයි මගේ උපන් දිනය.. වයස විසි එක සම්පූර්ණ උනා.. පාටි නැතත් මාත් වාන් පාටියක් කාල දවස ගෙව්ව :D

මේ දවස් වල ඉතින් ගෑනු ලමයගෙ වැඩෙත් කරගෙන ගියේ.. දුෂ්ඨයොත් නොහිටියම නෙමෙයි... ඒත් ඉතින් මගේ වාසනාවත් තිබ්බ..

ඔය අස්සෙ හෙමින් හෙමින් බෝඩිමකටත් සෙට් උනා තව යාලුවෙක් එක්ක. වැ‍ඩක් කරන්න කියල තමයි සෙට් උනේ.. වැඩ කරපු හැටි 1st year එක්සෑම් රිසල්ට් වලින් බලාගන්ඩ පුලුවන් :D

මේ අතරෙ අපේ කැම්පස් එකේ තිබුන සියබසින් නිමවූ පද්ධති හා යෙදුම් පිළිබඳ සම්මන්ත්‍රණයට සහභාගි වෙන්න අවස්ථාවක් ලැබුන.. මෙතනදි තමයි මම මුලින්ම අපේ බ්ලොග් කරුවන් කීප දෙනෙක් සියැසින් දැක ගත්තෙ. එදා හමුඋන කට්ටිය තමයි තාමත් මගේ ලඟින්ම ඉන්නෙ..

කොහොම කොහොම හරි අපේ ඉගෙනීම් කටයුතු අවසන් වෙලා 1st Year එක්සෑම් එකත් ලං උනා.. බ්ලොග් කෙරුවාව ටිකක් අඩු කරන්න උනා මේක නිසා.. ඒත් ඉතින් ‍ටච් එකේ හිටිය.. අනේ මන්ද.. ගොඩක් දේවල් මතකත් නෑ..

ඊට පස්සෙ වැදගත් දෙයක් කියන්න කියල තියෙන්නෙ අපේ SBU හමුව.. ගොඩක් අහ මේක ගැන දන්නව‍නේ.. මේ අතරෙ අපේ තාත්ත අනතුරනට මුහුණ දුන්න.. දැන් ඉන්නෙ කොළඹ ම‍හ රෝහලේ.. ඒක නිසා මේ දවස් වල ගොඩක් වැඩ වැඩී..

 දැන්නම් බඩගිනී.. ආයෙ ලබන අවුරුද්දෙ හමු වෙමු.. හැමෝටම සුබ නව වසරක් වේවා කියල පතනව...

නොකියා සිකියුරිටි කෝඩ් ..

කට්ටිය කොහොමද ඉතින්.. අති සාර්ථක සිංහල බ්ලොග් කරුවන්ගේ සංසදයේ හමුවකින් පස්සෙ මේ කට්ටිය හම්බෙන්නෙ.. එදා ගැන කියනව නම් ඉතින් ආයෙ කියල වැඩක් නෑ.. පට්ටම පට්ට. ආපු නැති අය නම් ගොඩක් දුක් වෙනව ඇති..

        තව සීන් එකක් උනා.. කට්ටියට මතක ඇති මම සිම් කාඩ් කොපි කරමු කියල පෝස්ට් එකක් දැම්ම. ලඟදි නිකන් සර්ච් කරල බලනකොට එකෙක් අමු අමුවෙ පෝස්ට් එක කොපි කරල.. මගෙ විතරක් නෙමෙයි, අපේ මාධව රංග අයියගෙත් පෝස්ට් ලස්සනට කොපි කරල මිනිහගෙ වගේ දාල.. හැබැයි ඉතින් කවුරුවත් බලල නම් නෑ වගේ :D

හරි දැන් ඉතින් මාතෘකාවට බහිමු..ගොඩක් අය දන්නව නොකියා ෆෝන් වල සිකියුරිටි කෝඩ් එකක් දාන්න පුලුවන් කියල. මේක කී පෑඩ් ලොක් එක වගේම සිම් එක මාරු කරපු වෙලාවක දුරකථනයේ ආරක්ෂාව සඳහා භාවිතා කන්න පුලුවන්. ඒ කියන්නෙ සිම් එක ගලවල වෙන සිම් එකක් දැම්මොත් සිකියුරිටි කෝඩ් එක ඉල්ලනව. ඒක නැතුව ඔන් කරන්න බෑ..

ප්‍රශ්නෙ තියෙන්නෙ අපිම දාපු කෝඩ් එක අමතක උනොත් කරන්නෙ මොකක්ද කියන එක. සමහරු නම් security code reset කරනව කියල හෙන ගනන් කඩා ගන්නව. නොදන්න කමට අපිත් රුපියල් 500ක් විතර දීල කරගන්නව..

ඇත්තටම මේකට පොඩි විසඳුමක් තියේ.. මුලින්ම කියන්න ඕන මේ ක්‍රමේ හරි යන්නෙ DCT3 හා DCT4 කියන වර්ග වලට.

• DCT3 2100 3210 3310 3330 3410 402 5110 5210 5510 6110 6150 6210 6250 6500 7110 8210 8250 8850 8890 9000 9100 9210
• DCT4 1100 1101 1110 1600 2300 2600 2650 3100 3120 3200 3220 3510 3510i 3650 3660 5100 5140 6020 6021 6030 6060 6070 6080 6100 6101 6103 6170 6111 6220 6230, 6260 6310 6310i 6510 6810 6820 6822 7200 7210 7250 7250i 7260 7270 7280 7360 7600 7610 7650 7700 8310 8800 8910 8910i 

මේ හැම නොකියා ෆෝන් එකකම සිකියුරිටි කෝඩ් එකක් දැම්මට ඒක bypass කරන්න පුලුවන් මාස්ටර් කෝඩ් එකක් තියෙනව. ඒක හොයා ගත්ත නම් මොන කෝඩ් එක දාල තිබුනත් Master Code එක ගැහුවම ලොක් එක ඇරෙනව. මේ මාස්ටර් කෝඩ් එක generate කරන්නෙ ෆෝන් එකේ IMEI අංකය භාවිතයෙන්.

 මෙතනින් පුලුවන් Master Code එක generate කරගන්න.

www.unlockme.co.uk

Unicode Font Workshop 2

කට්ටිය කොහොමද ඉතින්.. මාත් ඉතින් ඩොමේන් එකකුත් ගත්ත ගත්තමයි සද්දයක් වත් නෑ.
Font Workshop එකේ දෙවන වැඩසටහන පැවැත්වුනත් කිසිම කෙනෙක් ඒ ගැන නොලියපු එක තමා පුදුමෙ..(පෝස්ට් ලියන අතරදි දැක්කෙ අපේ කණිෂ්ක හෙන්නායක සහෝදරය ලියල තියේ කියල) ඉතින් බලන් ඉඳල බැරිම තැන මම තීරණය කරා මේ ගැන ලියන්න..

මුලින්ම කියන්න ඕන මේක සංවිධානය උනේ ICTA ආයතනය හා UCSC මගින්. 2009 නොවැම්බර් මාසෙ 8, 15, 22, 29 කියන ඉරිදා දවස් හතර පුරාවටම UCSC ගොඩනැගිල්ලෙ පැවැත්වුනු මෙම වැ‍ඩමුළුව ඉතාමත් සාර්ථක උන බව සතුටින් කියන්න පුලුවන්. ඇත්තටම මේකට සහභාගි වුනු කෙනෙක් විදිහට ඉතා විශාල දැනුමක් ලබාගන්න පුලුවන් උනා.

ඇත්තටම මෙතනදි අපේ දේශක මණ්ඩලය මතක් කරන්න ඕන.

• Mr. Harsha Wijayawardhana (UCSC)
• මහා‍චාර්ය රෝහිණී පරණවිතාන (සිංහල අංශය, කොළඹ විශ්ව විද්‍යාලය)
• Mr. G. Balachandran (ICTA)
• Prof. Gihan Dias (UOM)
  
• Ms. Dineesha Ediriweera
• Mr. Chamara Disanayaka ( LK domain Registry)
• Mr. Vini Hettigoda
  

ඒ වගේම ඉතින් ආපු කට්ටිය ගැනත් කියන්න එපැයි.. වැඩමුළුවට 20 දෙනෙක් පමණ සහභාගි උනා. එතන හිටපු අපේ සිංහල බ්ලොග් කරුවන් මතක් කරනව නම් පහන් , චමිල , ආගන්තුකයා (ලසිත), කණිෂ්ක හෙන්නායක වගේම මමත් සහභාගි උනා..
තව සෞන්දර්ය විශ්ව විද්‍යාලයෙන් 15 දෙනෙක් පමණ සහභාගි වෙලා හිටිය.

ඇත්තටම font එකක් හදනව කියන එක ලේසි වැඩක් නෙමෙයි කියල තේරුනේ මේ වැඩමුළුවෙන් පස්සෙ. මූලිකම දේ තමයි භාෂාවේ ගුණාංග රැක ගැනීම. ඒ නිසා වැඩිම කාලයක් ගත උනේ අපිට සිංහල උගන්න්න්න :D ඒ වගේම අකුරු වල හැඩතල, අකුරු පිහිටුවිය යුතු ආකාර පිලිබඳවත් වි‍ශේෂයෙන් කියල දුන්න.
ඒ වගේම තමයි ඉතින් කෑමෙන් බීමෙන් නම් කිසිම අඩුවක් උනේ නෑ :P

දැනටමත් ගොඩක් font වල වැඩ ඉවර වේගෙන එනව. ලඟදිම ඔයාලටත් ලස්සන සිංහල යුනිකෝඩ් ෆොන්ට් ටිකක් බලාගන්න පුලුවන් වෙයි... පහල පොටෝ වල ඉන්නෙ අපි.. අහම්බෙන් ගතපුව ඕවත්.. පොටෝ නැති අය සමාවෙන්ඩ ඕන....

TechnoMax 2009 සාර්ථකව නිමා විය..

මීරිගම නගරයේ ප්‍රථම වරට පැවැත්වුනු ‍සාර්ථකම තොරතුරු තාක්ෂණික ප්‍රදර්ශනය ඊයේ (දෙසැම්බර් 6) නිමාවූ බව දැනුම් දෙන්නේ හද පිරි සතුටිනි.. මෙහිදී විශේෂයෙන්ම සිංහල බ්ලොග් කරුවන්ගේ සංසදයේ ප්‍රදර්ශන කුටියටද බොහෝ දෙනෙකුගේ වි‍ශේෂ අවධානය යොමු විය. දින දෙකක් පමණක් පැවැත්වීමට නියමිත වූ මෙම ප්‍රදර්ශනය බොහෝ දෙනෙකුගේ ඉල්ලීම පරිදි තවත් එක් දිනකින් දීර්ඝ කරන ලදී..

මෙම ප්‍රදර්ශනය සංවිධානය කල UserMax Technology ආයතන ප්‍රධානී තරංග දිනේෂ් ලීලාරත්න මහතාට සිංහල බ්ලොග් කරුවන්ගේ සංසදය වෙනුවෙන් මෙහිදී මාගේ විශේෂ ස්තුතිය පිරිනමනු ලැබේ. ඒ වගේම අපේ SBU stall එකට අවශ්‍ය දේවල් සපයා දුන් කාලිංග අයියටත් මගේ ස්තුතිය පුද කරන්න කැමතියි.

ප්‍රදර්ශනයේ සිත්ගත් අවස්ථා කීපයක ඡායාරූප..