මොබිටෙල් කෙරුවාවන්..

කට්ටිය කොහොමද ඉතින්.. දෙස් විදෙස් ඇස් මවිත කරපු චන්දෙකින් පස්සෙ ඔන්න මම ආයෙ ඔයාල හම්බෙන්න ආව.. හැමෝම ඉතිං මොබිටෙල් එකේ කෙරුවාවන් ගැන කියනවනේ.. මාත් ඉතිං බැලුව මට උන අසාධාරනය කියන්න.

කට්ටිය දන්නව මොබිටෙල් එක මුලින්ම හඳුන්වා දීපු Broadband පැකේජ.. ඕවයින් මම ගත්තෙ අඩුම පැකේජ් එක... මාසෙට 250mb, මාසික ගාස්තුව රුපියල් 300ක්ද කොහෙද.. ඕක ඉතිං ඔහොම හෙමින් හෙමින් පාවිච්චි කරා.. ඔන්න ඉතිං ඔහොම ගිහින් ගිහින් එක පාරටම මහා පෙරලියක් සිද්ද උනා නෙව . 250 mb data bundle එක එකපාරටම 750 mb උනා.. ඒත් ඉතින් ඒකට හරි යන්න මාසික ගාස්තුවත් වැඩි කොලා ‍.. සාධාරණ බදුත් එක්ක 600ක් විතර.. කොහොම හරි ඒකත් ඉවසුවයි කියමුකෝ..


ඔන්න දැන් තමා සීන් එක පට්‍ටාන් ගන්නෙ.. වැඩි තන්හාවටද කොහෙද මොබිටෙල් එකෙන් ආ‍යෙත් data bundle වැඩි කරා. සමහර පැකේජ් වල මාසික ගාස්තුත් අඩු කලා.. ඒත් එක පැකේජ් එකක විතරක් කිසිම වෙනසක් නෑ.. මගේ දුප්පත් zoom 490 පැකේජ් එක.. බැලුවා බැලුවා.. කිසි වාසියක් වෙන පාටක් නැහ්..
ඉතිං මල පනින එක අසාධාරණද? වහාම බල පවත්වන පරිදි බිල් ගෙවීම නැවැත්තුවා..

‍
කොහොම හරි billing date එක 15 නම් 18 වෙනිද connection එක කැපුව.. කපනකොට බිල 2573යි. කපපු මාසෙ බිලයි (ඒ මාසෙ දවස් දෙකයි පාවිච්චි කරන්න ලැබුනෙ, ඒකට ගාස්තුව රුපියල් 600ක් විතර) තව මාසෙක එකකුයි ආව.. (ඒක 321 යි ) දැන් බිල 3538යි..

ඕක ඉතින් ගානක් ගියේ නෑ.. මාත් ඔහෙ හිටිය.. මෙන්න දවසක් mobitel කෙල්ලෙක් මට කෝල් කරනව
දුක සැප අහන්න නම් කමක් නෑ.. ගත්තු ගමන් අහපි බිල ගෙවන්නෙ කවද්ද කියල .. මටත් ඉතිං උන්හිටි තැන් අමතක උනා.. හොඳවයින් කියල දුන්න billing system එක ගැන.. ඒයාල මට කියනව මගෙ credit limit එක 1500යිලු. 1500ට පොඩ්ඩක් වැ‍ඩි උනාමලු connection එක කපන්නෙ.. මම ඉතිං ඇහුව 1500ට පොඩ්ඩක් වැඩී කියන්නෙ 2500ද කියල, වැඩේ කියන්නෙ මේකි ඒකටත් ඔවු කිව්වනෙ, කොහොමද ටිකිරි මොලේ? අහන්න හිතුන රෙදි ඇඳන්ද ඉන්නෙ කියල.. පස්සෙ හිතුන ආයෙ මොකටද කියල..

තව ඉතින් මගේ පැකේජ් එකට වෙච්ච අසාධාරනේ ගැනත් ‍හොඳවයින් තේරුම් කරල දුන්න.. පහු පහු වෙනකොට කෙල්ලට බිල ගැන මතක නෑ.. මට කියනව ඕව customer care එකට කියන්නලු අපි දන්නෙ බිල් හදන්න විතරලු

ඔහොමයි කතාව ඉවර උනේ.. හැබැයි එදයින් පස්සෙ ‍කෝල් නෑ.. බලමු ආයෙත් මතක් වෙයිද කියල..